Наврасони то 16 солаи мунтахаби Тоҷикистон бори дигар исбот намудаанд, ки онҳо дар қораи Оисё ба худ рақиби арзанда надоранд. Дар бозии нахустини марҳилаи интихобии Ҷоми Оисё-2020 футболбозони мо тими миллии Шри – Ланкаро бо ҳисоби ҳангуфти 8:0 шикаст дода буданд. Имрӯз дар бозии дуюми хеш шермардони майдонзеби тоҷик ҳамтоёни Қувайтии хешро дарси абад дода, дарвозабонашонро маҷбур сохтанд, ки тӯбро 9 маротиба аз дохили дарвозааш берун орад. Дар айни ҳол мунтахаби Тоҷикистон бо касби 6 хол пешсафи ҷадвали гурӯҳи “А” мебошад. Дар даври чорум санаи 20-уми сентябр мунтахаби мо бо тими Непал рӯ ба рӯ мешавад. Мо боварӣ дорем, ки футболбозони тоҷик дар ин рақобат низ соҳиби се хол мегарданд.
Марҳилаи интихобии Чемпионати Осиё-2020 байни футболбозони то 16 сола
Гурӯҳи «А». Даври 3-юм
ТОҶИКИСТОН – Кувейт – 9:0