Шоми имрӯз бозии ҷавобии даври ниманиҳоии Лигаи Чемпионҳо миёни дастаҳои  “Манчестер Сити”  ва  “Реал Мадрид”  дар варзишгоҳи “Иттиҳод”  баргузор мегардад.
Албатта, ин бозиро ҳама дӯсторони футбол интизоранд. Новобаста аз оне, ки онҳо мухлиси кадом дастаанд. Тибқи пешгӯиҳо, ғолиби ин ҷуфт муддаии асосии  қаҳрамонӣ дар мавсими имсолаи Лигаи Чемпионҳо маҳсуб мешавад.
Пас аз мусовӣ дар бозии аввал, “Манчестер Сити”  дар ҷои фаворит аст, гарчанде,  ки дастаи шаҳри  Мадрид ба ғалаба наздиктар буд. Чун одат, дар «Иттиҳод»  бачаҳои  Пеп Гвардиола хеле хуб бозӣ мекунанд. Мисоли ин 15 ғалаба дар майдони худ аст. Бори охир онҳо дар охири соли 2022 аз “Эвертон” дар “Иттиҳод”  мағлуб накарда буданд.
Ҳоло “Манчестер Сити”  дар формаи хуб қарор дорад, ки онҳо аллакай дар Премйер - Лига  инро исбот карданд.  Онҳо тавонистанд, ки аз “Арсенал” пеш гузаранд ва дар даври оянда дар сурати пирӯзӣ бар “Челси” қаҳрамони Англия шаванд. Даста инчунин ба финали Ҷоми Англия роҳ ёфта, он ҷо моҳи июн бо дастаи “Манчестер Юнайтед” бозӣ мекунад.
Хосеп Гвардиола тактикаҳои ҷолибу самаранокро барои ин бозӣ тарҳрезӣ кардааст. Ҳар бозигаре, ки аз дақиқаҳои аввал берун меояд, бозигари пурқувват аст, зеро ҳатто бозигарони эҳтиётӣ дар симои Алварес ва Фоден бозии хеле қавӣ нишон дода  метавонанд. Акнун, дигар  Гвардиола ба иштибоҳ роҳ намедиҳад. Он иштибоҳе, ки бо “Лион”  дар даври 1/4 – ниҳоӣ  соли 2020 карда буд.
Намуди зоҳирӣ аз дақиқаҳои аввали Маҳрез хонда мешавад, зеро Бернардо ошкоро дар бозии аввал ноком шуд ва Гвардиола  пеш аз бозӣ гуфт, ки тағйироти хурд дар ҳамла имконпазир аст. Бояд қайд кард, ки Ҳолланд дар ин бозӣ мехоҳад худро исбот кунад. Дар бозии аввал Рюдигер амалан норвегиягиро ба қавле “хӯрд”, бинобар ин мо бозии ҷавобиро интизорем.
Эҳтимол дар бораи “Реал Мадрид”  гап задан аз ҳад зиёд аст. Агар дар бораи “Севиля”  гӯянд, ки мусобиқаи онҳо Лигаи Аврупо аст, пас “Реал Мадрид” шоҳи Лигаи Чемпионҳо мебошад.
Барои касе пӯшида нест, ки футболбозони шаҳри Мадрид  ба бозиҳои ин мусобиқот ба таври махсус омода мешаванд ва бозӣ мекунанд. Онҳо ҳатто қодиранд, ки ҳангомаҳоро ба миён оваранд.  Аз бисёр ҷиҳат, ин хидмати на танҳо Карло Анчелотти, балки роҳбарони дарозмуддати даста аст, ки бо вуҷуди он ки аллакай ба таърихи беҳтаринҳо ворид шудаанд, ҳавасмандии худро аз даст надодаанд. Гап, албатта, дар бораи Карим Бензема, Тони Кроос ва Лука Модрич меравад. Ҳоло ин таҷриба ба дигар бозигароне мегузарад, ки хеле ҷавонтаранд, вале аллакай таъмин ғалабаро дар ин мусобиқа эҳсос кардаанд.
Дар бораи ангеза ва таҷрибаи “Реал Мадрид”  барои бозии ҷавобӣ  ҷои шубҳа нест ва ин аслиҳаи онҳо  аст. Соли гузашта,  онҳо аллакай исбот карда буданд, ки ҳатто баъди ду вохӯрӣ  аз 180 дақиқа бадтар бозӣ  кардан ҳам, барои дигар кардани мавҷи бозӣ  ва ба мақсад расидан,  ҳамагӣ  як-ду дақиқа кифоя аст. Инро фикр мекунам, ки ҳамаи шумо хуб медонед.
Гузашта аз ин, “Реал Мадрид”  аллакай дар сабқати унвони қаҳрамонӣ дар Испания бохт ва акнун ангеза барои Лигаи Чемпионҳо  дучанд хоҳад шуд. Омили бозӣ дар Англия нақши худро ба фоидаи “Манчестер Сити”  хоҳад бозид, аммо кӣ беҳтар аз “Реал Мадрид”  метавонад фишорро ба осонӣ идора кунад.
Ба ҷуз Бензема, “Реал Мадрид”  ба Винисиус Ҷуниор умед мебандад. Винисиус соли дуюм аст, ки аз худ ҳунару маҳорати волоӣ  кайҳонӣ нишон медиҳад.  «Манчестер Сити» дар бозии аввал бо ӯ мубориза бурда натавонист, гарчанде ки ҳоло барои ӯ мушкилтар хоҳад буд. Шояд Родриго дубора аз худ дарак диҳад ва дурахшиши олие нишон диҳад. Футболбози бразилӣ медонад ,ки дар майдон чӣ гуна аз ҳеҷ чиз як имкони самаранокро барои дастааш фароҳам орад.
Хуб, худи Анчелотти. Итолиёвии доно бояд барои Гвардиола чизе омода карда бошад, ки мо имшаб мефаҳмем. Пас, имшаб соати 23:45 бозиро ба таври мустақим аз телевизиони “Варзиш” якҷо тамошо мекунем!