Шоми имрӯз дар варзишгоҳи “Бей Арена” бозии аввали даври 1/16 ниҳоии Лигаи Аврупо миёни “Байер” ва “Монако” баргузор мешавад.
Барои мураббии навкори дастаи “Байер” - Хаби Алонсо ин аввалин мусобиқаи аврупоӣ мебошад. “Байер” дар Бундеслига бозиҳои устуворона надорад. Дар се вохӯрии охир ду маротиба шикаст хӯрдааст ва мақоми 8-умро ишғол менамояд.
“Монако” баъд аз ғалаба бар пешсафи Лигаи якуми Фаронса – ПСЖ, бо як руҳияи болида ба Олмон сафар кардааст. Шогирдони Филипп Клеман дар 8 бозии охири чемпионати Фаронса шикаст нахӯрдаанд.
Ҳарду даста дар баробари хати ҳҷуми хуб, ҳамзамон қисмати муҳофизати зайф доранд. Ин гувоҳи он аст, ки бозӣ бидуни гол ба анҷом намерасад.