Шоми имрӯз, 7-уми феврал дар шаҳри Минск бозиҳои даври дуюми марҳилаи гурӯҳии мусобиқаи байналмилалии анъанавии «Ҷоми Рушд-2023» баргузор шуд.
Дастаи наврасони Тоҷикистон (U-17) дар гурӯҳи “В” бозии худро бо мунтахаби Беларус (U-16) бо натиҷаи мусовӣ ҷамъбаст намуд. Ин вохӯрӣ дар майдони футболи Минск баргузор шуда, бо ҳисоби 2 бар 2 хатм шуд.
Бояд гуфт, ки мунтахаби наврасони Тоҷикистон (U-17) дар бозии даври аввал бо ҳамсолонашон аз Россия низ бозиро мусовӣ карда буданд.