Имрӯз, 7 феврал дар шаҳри Минск бозиҳои даври дуюми марҳилаи гурӯҳии мусобиқаи байналмилалии «Ҷоми рушд-2023» баргузор мешаванд.
Дастаи Тоҷикистон (U-17), ки дар гурӯҳи «В» баромад мекунад, бо мунтахаби Беларус (U-16) рӯ ба рӯ мешавад. Ин бозӣ дар толори футболи Минск баргузор шуда, соати 17:40 ба вақти Душанбе оғоз мегардад. 

Ёдовар мешавем, ки дар даври аввали ин мусобиқа Мунтахаби наврасони Тоҷикистон (U-17) бо ҳамсолони худ аз Русия ба натиҷаи мусовӣ даст ёфтанд. 

Пахши мустақими ин рақобатро шабакаи «ТВ Футбол» ба роҳ мемонад.