“Реал Мадрид” дар ин давр дучори мушкилии ҷиддӣ шуд. Шогирдони Анчеллоти ба меҳмонии “Вилярреал” рафта, бозиро наонқадар хуб шуруъ карданд. Мизбонон дар ибтидо рақобат бо голи задаи Этйен Капу ба пеш баромаданд. То ба танаффус рафтан Саму Чуквуезе маротибаи дуюм дарвозаи Куртуаро рахана кард. 
Дар дақиқаи 57-ум Винисиус аз паси Себалйос истифода намуда, ба як голи мизбонон ҷавоб гуфт. Тақрибан 10 дақиқа баъд, Эдер Милитао тавозунро барқарор намуд. 4 дақиқа мондан то ба хотимаи бозӣ худи Дани Себалйос муаллифи гол шуду дастаи “Реал Мадрид” бо як мушкилӣ роҳи хешро ба даври ¼ ниҳоии Ҷоми Испания ҳамвор намуд.