Ҳамлагар - Луис Суарес расман бозигари тими «Гремио»-и Бразилия гардид. Дар ин бора сомонаи расмии клуб хабар додааст. Мӯҳлати шартнома байни тарафҳо то декабри соли 2024 ба инобат гирифта шудааст. 

Қаблан хабар дода шуда буд, ки бошгоҳи “Ал-Халиҷ”-и Арабистони Саудӣ низ ба футболбоз пешниҳод бо маоши баланд кардааст. Аммо бозигар тасмим гирифт, ки ба бошгоҳи бразиль гузарад.

Дастаи охирини Суареси 35-сола «Насонал»-и Уругвай буд. Дар хайати ин клуб Луис чемпиони мамлакат гардид. Дар 12 вохӯрӣ ҳамлагар ба задани панҷ гол ва 3 партофт даст ёфт.  Суарес дар Ҷоми ҷаҳонии Қатар низ дар ҳайати тими миллии Уругвай бозӣ кард, вале гол зада натавонист.