Ҳамлагари «Боруссия Д» Юсуф Мукоко ба дархости ниҳоии тими миллии Олмон барои ширкат дар Ҷоми ҷаҳонии соли 2022 дар Қатар шомил мешавад.
Қаблан хабар дода шуда буд, ки футболбози 33-солаи тими “Боруссия” Марко Ройс ба далели захмӣ шудани пояш дар дақиқаи 32-юми бозии чемпионати Олмон бо “Шалке” наметавонад дар ин мусобиқот ширкат кунад. Дар Ҷоми ҷаҳон ба ҷои Ройс ҳамдастаи ӯ Юсуф Мукокои 17-сола бозӣ мекунад.
Ҳамлагари ҷавони олмонӣ дар мавсими имсола дар Бундеслига ва Лигаи Чемпионҳо 19 бозӣ карда, ба задани 6 гол ва 5 партофти головар даст ёфтааст. Барои Мукокои решаи камерунӣ дошта, Ҷоми ҷаҳон мусобиқаи аввалин дар ҳайати тими миллии Олмон хоҳад буд.