Ҳамлагари тими Аргентина ва ПСЖ Лионел Месси яккачинҳои Бразилия ва Фаронсаро довталабони асосии пирӯзӣ дар Ҷоми ҷаҳонии дарпешистода мешуморад.
"Дар мавриди фаворитҳо, дастаҳои бузурге ба мисли Бразилия, Олмон, Фаронса, Англия, Испания ҳастанд ва ман боварӣ дорам, ки баъзеро фаромӯш кардаам. Аммо агар ман як ё дуторо зикр кунам, пас бояд гуфт, ки Бразилия ва Фаронса ду номзади асосӣ барои пирӯзӣ дар ин Ҷоми Ҷаҳон ҳастанд",- иқтибос меорад RMC Sport аз суханони Месси.
Мессии 35-сола аввалин маротиба дар ҳайати тими миллии Аргентина соли 2005 баромад. Аз он вақт инҷониб дар 164 бозӣ ҳамлагар ба задани 90 гол ва 51 партофти головар кардааст. Ҳамлагар беҳтарин нишонзан дар таърихи тими миллӣ мебошад.
Ҷоми ҷаҳонии футбол дар Қатар аз 20 ноябр то 18 декабр баргузор мешавад.