Sky Sports хабар медиҳад, ки дарвозабони «Эвертон» ва мунтахаби Англия Ҷордан Пикфорд дар тамринҳо ҷароҳат бардошт.
Ба иттилои манбаъ, футболбоз аз пояш осеб дидааст. Ӯ дар бозии чемпионати Англия бо «Ливерпул» (0:0) ҷароҳат бардошта буд. Давраи барқароршавӣ барои дарвозабон тақрибан як моҳ хоҳад буд. Аз ин лиҳоз, ӯ маҷбур мешавад, ки дар бозиҳои Лигаи Миллатҳо бар зидди Италия (23 сентябр) ва Олмон (26 сентябр) ба Англия кумак накунад.
Пикфорди 28-сола аз соли 2017 дар тими мунтахаби Англия баромад мекунад. Дар маҷмуъ, ӯ дар ҳайати мунтахаби кишвар 45 бозӣ анҷом дода, ба дарвозаи худ 34 гол сар додааст.
