Намояндагони нимҳимоятгари "Атлетико Мадрид" Саул Нигес футболбози худро ба "Ювентус"-и Турин пешниҳод карданд, хабар медиҳад As.
Ба иттилои манбаъ, испанӣ метавонад ҷойгузини Пол Погба бошад, ки ҷароҳат бардошта, муддати тӯлонӣ ба майдон баромада наметавонад.
Ёдовар мешавем, ки футболбози 27-солаи испанӣ бо сабаби ба охир расидани муҳлати иҷорааш аз "Челси"-и Лондон ба "Атлетико Мадрид" баргашт. Шартномаи Саул бо бошгоҳи Мадрид то 30 июни соли 2026 амал мекунад.
Саул дар 25 бозӣ дар ҳайати тими Лондон як гол задааст.