Сармураббии тими миллии Тоҷикистон, мутахассиси хорватӣ Петр Сегрт аз қароргоҳи “Бавария”-и Мюнхен дидан карда, бо менеҷери генералии тими миллии Олмон ва узви президиуми Иттифоқи футболи Олмон Оливер Бирхофф ва дарвозабони дастаи мунтахаби футболи Олмону дастаи "Бавария" Мануэл Нойер мулоқот кард. Зимни мулоқоти самимӣ Бирхофф ва Нойер тими миллии Тоҷикистонро ба ифтихори дастоварди таърихӣ – баромадан ба Ҷоми Осиё-2023 табрик гуфта, ба даста дар марҳилаи ниҳоии мусобиқа муваффақият таманно намуданд.