Дар идомаи бозиҳои даври ҳаштуми Чемпионати Тоҷикистон оид ба футбол байни дастаҳои Лигаи якум, - "Ҳосилот"-и ноҳияи Фархор бо дастаи футболи "Сарҳадчӣ"-и ноҳияи ба номи Мирсайид Алии Ҳамадонӣ рақобат намуд. Дар дақиқаи 50-уми майдондорӣ ҳамлавари моҳири дастаи "Ҳосилот" Далер Чолов тӯбро вориди дарвозаи соҳибони майдон намуда, ҳисоби бозиро кушод. Дар дақиқаи 65-ум бозигари собиқадору соҳибтаҷриба Сайдалӣ Сафаралӣ тӯби дуюмро вориди дарвозаи "Сарҳадчӣ" намуд. Дар охирин лаҳзаҳои майдондорӣ мизбонон як гол ба дарвозаи меҳмонон ворид намуданд. Ҳамин тариқ бозингарони дастаи "Ҳосилот" "Сарҳадчӣ"-ро бо ҳисоби 2:1 шикаст дода, имтиёзи заруриро ба даст оварданд. Ёдовар мешавем, ки сарпарасти асосии чемпионати Тоҷикистон оид ба футбол байни дастаҳои Лигаи якум ширкати “tennisi.tj” мебошад.