Уругвай дар бозии интихобии Ҷоми ҷаҳон-2022 бар муқобили Венесуэла пирӯз шуд. Вохӯрӣ бо ҳисоби 4:1 анҷом ёфт. Дар ҳайати дастаи ғолиб як голро ҳамлагар Луис Суарес ба самар расонид. Барои ҳамлагари 35-сола ин гол 28-умин дар корномаи варзишиаш дар бозиҳои интихобии қаҳрамонии ҷаҳон дар минтақаи Амрикои Ҷанубӣ буд. Аз рӯи ин нишондод ӯ аз Лионел Мессии аргентинӣ пеш гузашта, беҳтарин нишонзани бозиҳои интихобии Ҷоми Ҷаҳон гардид.