Дар даври 1/16 ниҳоии Ҷоми Испания тими «Линарес» дастаи «Барселона»-ро қабул кард. Дар ҳайати асосии каталониҳо ҳимоятгар Дани Алвес вориди майдон шуд.
Бо ҳунарнамоиаш дар ин дидор Алвес рекорди навро дар таърихи «Барселона» гузошт, зеро ӯ 38 солу 244 рӯз дорад ва калонсолтарин бозигар дар дидорҳои расмӣ ба ҳисоб меравад. Рекорддори пештараи клуб ба дарвозабон Хосе Пинто рабт дошт. Ӯ дар 38 солау 190 рӯзагии худ дар дастаи “Барса” бозӣ мекард.
Дар ин рақобат “Линарес” аз “Барселона” бо ҳисоби 1:2 мағлуб гардид.