Бозии дӯстона миёни дастаҳои мунтахаби Қазоқистон ва Тоҷикистон рӯзи 16 ноябр соати 19:00 дар варзишгоҳи «Остона-Арена»-и шаҳри Нур-Султон баргузор мешавад. Қаблан иҷрокунандаи вазифаи сармураббии мунтахаби Тоҷикистон Мубин Эргашев ба ҳайат 10 легионер даъват карда буд. Вале дар хайат тағйирот ба амал омад. Ҳимоятгарон Ваҳдат Ҳанонов ва Манучеҳр Сафаров, ки дар бошгоҳи “Персеполис”-и Эрон ҳастанд, дар бозӣ бо Қазоқистон иштирок карда наметавонанд. Ба ҷойи онҳо Наимҷон Иброҳимзода (Хуҷанд) ва Ҳусейн Нурматов (Истаравшан) даъват шуданд.