Бошгоҳи "Регар-ТадАЗ"-и Турсунзода пас аз як сол дигарбора ба мусобиқоти Лигаи олии Тоҷикистон бармегардад. Дастаи “Регар-ТадАЗ” таҳти роҳбарии сармураббӣ - Ҳикмат Фузайлов пеш аз анҷоми Чемпионати Тоҷикистон миёни дастаҳои Лигаи якум ба мавсими-2022-и Лигаи олӣ роҳхат гирифт. Пас аз 20 даври бозиҳои Лигаи якум футболбозони шаҳри Турсунзода 52 имтиёз ба даст оварданд. Барои роҳхати дуюм ба Лигаи олӣ дар мавсими 2022 боз се даста – “Ҳосилот” -и Фархор, “Равшан” -и Зафаробод ва “Ҳулбук” -и Восеъ мубориза мебаранд.