Дар шаҳри Душанбе бозиҳои ду гурӯҳи марҳилаи интихобии чемпионати Осиё байни ҷавонони то 23 -сола баргузор мешавад.
Бозиҳои интихобии Ҷоми Осиё-2022 байни дастаҳои ҷавонони то 23-сола дар гурӯҳи "В" бо ширкати дастаҳои Тоҷикистон, Эрон, Лубнон ва Непал аз 25 то 31 октябр баргузор мешаванд. Ҳамзамон дар Варзишгоҳи марказии Душанбе аз 27 октябр то 2 ноябр бозиҳои гурӯҳи “G” баргузор мешаванд, ки дар он дастаҳои мунтахаби Австралия, Чин ва Индонезия бозӣ мекунанд.
Ёдовар мешавем, ки ба марҳилаи ниҳоии Ҷоми Осиё-2022, ки аз 1 то 19 июни соли оянда дар Ӯзбекистон баргузор мешавад, ғолибони ёздаҳ гурӯҳи интихобӣ ва чаҳор дастаи беҳтарин, ки ҷойҳои дуввумро ишғол мекунанд, роҳхат мегиранд. 
