Дар доираи ҷамъомади-таълимию тамринӣ, ки дар вилояти Суғд ҷараён дорад, қаҳрамони феълии кишвар бошгоҳи “Истиқлол” бо се дастаи Ӯзбекистон бозиҳои санҷишӣ анҷом медиҳад. Бозии аввали дастаи душанбегӣ рӯзи 18-уми июл дар назар аст. Рақиби "Истиқлол" дастаи "Металлург"-и Бекобод хоҳад буд. 21 июл “Истиқлол” бо “Суғдиона”-и Ҷиззах вомехӯрад ва 24 июл бо “Локомотив”-и Тошканд бозӣ хоҳад кард. Ҳама бозиҳо дар Ҷумҳурии Ӯзбекистон баргузор мешаванд.