Сомонаи расмии дастаи «ПСЖ» аз гузариши собиқ дарвозабони дастаи “Милан” Ҷанлуиҷи Доннарумма расман хабар дод. Қарордод байни дастаи парижӣ ва дарвозабони итолиёвӣ то 30-юми июни соли 2026 баста шудааст. Охири моҳи июн шартномаи футболбоз бо “Милан” ба поён расид ва ӯ ҳамчун футболбози озод ба “ПСЖ” гузариш намуд. Қаблан, ба ин дарвозабони 22-сола дастаҳои “Барселона”, “Ювентус”, “Рома”, “Челси” таваҷҷуҳ доштанд. Бояд гуфт, ки Доннарумма бо мунтахаби Италия Евро-2020-ро ба даст овард.