Унаи Эмери аввалин мураббӣ дар таърих гардид, ки чаҳор маротиба дар Лигаи Аврупо пирӯз шуд.
"Вилярреал" дар мавсими аввали худ зери раҳбарии Унаи Эмери ғолиби Лигаи Аврупо гардид. Мутахассиси испанӣ бори чаҳорум дар ин мусобиқа ғолиб омад, ки ин натиҷаи рекордӣ дар байни мураббиёни футбол маҳсуб мешавад.  Эмери се маротиба бо “Севиля” ва як маротиба бо “Вилларреал” ғолиби Лигаи Аврупо гаштанд. 
Ёдовар мешавем, ки дар бозии ниҳоии Лигаи Аврупо “Вилярреал” – “Манчестер Юнайтед”-ро мағлуб кард. Вохӯрӣ бо ҳисоби 1:1 ба анҷом расид ва тими испанӣ аз рӯи иҷрои зарбаҳои пеналти (11:10) ғалаба ба даст овард.