Сармураббии феълии "Интер" - Антонио Конте аз мақомаш канор меравад. Тибқи иттилои сомонаи "AS" мутахассиси 51-солаи итолиёвӣ бинобар мушкилоти молиявии миланиҳо клубро тарк мекунад. Конте довталаб барои ишғоли мақоми сармураббӣ дар тими “Реал Мадрид” гуфта мешавад ва эҳтимол меравад, ки Зинедин Зиданро иваз мекунад. 
Рӯзи 23-уми май хабар дода шуд, ки Конте нияти тарки “Интер”-ро дорад, зеро бо сиёсати трансферии клуб розӣ нест. Таҳти роҳбарии мутахассис, миланиҳо дар 11 соли охир бори аввал қаҳрамони Италия шуданд.