Сармураббии “Реал Мадрид” - Зинедин Зидан ба футболбозони дастааш гуфтааст, ки дар охири мавсим онҳоро тарк мекунад, менависад Goal.
Мутахассиси фаронсавӣ тасмими худро пеш аз бозӣ бо Севиля (2:2) ба дастпарваронаш гуфтааст. 
Пештар хабар дода шуда буд, ки тибқи як қатор манбаъҳо, мутахассиси 48-сола мехоҳад “Реал Мадрид”-ро тарк кунад, зеро ӯ аз ҷиҳати равоню ҷисмонӣ  ва таҳти фишори пайваста қарор доштан, хаста шудааст. Мураббӣ новобаста аз он ки имсол дастааш қаҳрамони Испания мешавад ё не аз вазифааш бо хоҳиши худ канор меравад. 
Зидан “Реал Мадрид”-ро аз моҳи марти соли 2019 раҳбарӣ мекунад. Таҳти роҳбарии ӯ, клуби шаҳри Мадрид дар мавсими гузашта қаҳрамони Испания шуда буд.