Бошгоҳи "Хуҷанд"-и Тоҷикистон охирин тамринҳои худро барои бозӣ бо тими "Алтин Асир"-и Туркманистон, ки имрӯз яъне 14 май соати 21:05 дақиқа дар Варзишгоҳи марказии ҷумҳуриявии шаҳри Душанбе доир мегардад, роҳандозӣ намуд. Аллакай "Хуҷанд" дархости ҳайати бозигаронро барои вохӯрии интизор эълон намуд. Дар дархост 21 футболбоз шомил шудааст. Аз ҷумла, 4 легионер,дарвозабон Алексей Матросов, Самандор Очилов, Максим Грек ва Артем Сердюк.
Рустам Хоҷаев дастаҷамъ 3 дарвозабон,7 ҳимягар 7 нимҳимоятгар 4 ҳамлагарро барои бозӣ бо дастаи туркманӣ интихоб намудааст. Бозии дастаҳои "Алтин Асир"-"Хуҷанд"-ро шабакаҳои "Варзиш" ва "Футбол" мустақиман пахш месозанд.
Ғолибони гурӯҳҳои минтақаи марказии Ҷоми AFC-2021 дар марҳилаи ниҳоии минтақавӣ, ки аз ду бозӣ иборат аст, рӯзҳои 11-ум ва 25-уми август бо ҳам неруозмоӣ менамоянд. Финали мусобиқот бошад, 26 ноябр дар назар аст. 
