“Хуҷанд” ба бозиҳои муҳими мавсим омода мешавад. Тамринҳо дар як рӯз ду маротиба роҳандозӣ мешаванд. Даста дирӯз дар Варзишгоҳи марказии ҷумҳуриявӣ тамринҳои худро баргузор намуд. Уқобҳо ба бозиҳои марҳилаи гурӯҳии Ҷоми AFC-2021 омодагӣ мебинанд.
Конфедератсияи футболи Осиё Тоҷикистонро макони баргузории мусобиқаи Ҷоми AFC-2021 дар гурӯҳи "F" интихоб кардааст, ки "Хуҷанд" шомили он гардидааст. Дар марҳилаи гурӯҳии Ҷоми AFC-2021 дар минтақаи марказӣ дар гурӯҳи F рақибони “Хуҷанд”- “Насаф”-и Ӯзбекистон, “Алтин Асир”-и Туркманистон ва "Олой"-и Қирғизистон хоҳанд буд. Марҳилаи гурӯҳии Ҷоми AFC-2021 дар шакли мутамарказ аз 14-ум то 20-уми май дар як давр баргузор мешавад.