Имрӯз, 10-уми декабр дар шаҳри Куала-Лумпури Малайзия маросими қуръакашии марҳилаи гурӯҳии Ҷоми Конфедератсия футболи Осиё-2020 баргузор шуд. Бошгоҳи “Истиқлол” чун соли гузашта, шомили гурӯҳи “D”-и Минтақаи Марказӣ шуд. Қаҳрамони Тоҷикистон дар гурӯҳи “D” бо тимҳои “Алтин Асир”-и Туркманистон ва “Дордой”-и Қирғизистон бозӣ мекунад. Иштирокчии чоруми гурӯҳ пас аз хотимаи рақобатҳои муқаддамотӣ муайян мешавад. Дар марҳилаи интихобӣ дастаҳои “Хуҷанд”-и Тоҷикистон, “Алай”-и Қирғизистон ва “Аҳал”-и Туркманистон рақобат мекунанд.