Дар бозии даври 29-уми Ла Лигаи Испания “Барселона” дар майдони худ “Валядолид”-ро қабул кард. Бозӣ дар варзишгоҳи “Камп Ноу” баргузор шуд ва бо ҳисоби 1:0 хотима ёфт. Дар дақиқаи 90-уми дидор, голи ғалабаовар ва ягонаи "каталониҳо"-ро Усмон Дембеле ба самар расонид. Қобили зикр аст, ки аз дақиқаи 79-ум “Валядолид” 10 нафара бозиро идома дод. Ҳамлагар Оскар Плано корти сурх гирифт. “Барселона”, бо 65 имтиёз дар зинаи дуввум аст. Пешсаф дар чемпионати Испания «Атлетико» бо 66 хол маҳсуб мешавад.