Ҳимоятгари “Реал Мадрид” - Серхио Рамос осеб гирифтааст ва  ба майдон баромадани вай бар муқобили “Барселона” зери суол мемонад. Дар бораи осеби мушакҳои ӯ дафтари матбуотии бошгоҳи шоҳона хабар додааст. Дар чемпиноти имсолаи Испания, Рамос дар ҳайати “Реал Мадрид” 15 бозӣ гузаронида, ду гол ба самар расонидааст. Шартномаи Серхио бо мадридиҳо то охири моҳи июни соли 2021 қувваи ҳуқуқӣ дорад.  
Бозии "Реал" - "Барселона" 10-уми апрел дар варзишгоҳи "Алфредо ди Стефано" -и Мадрид баргузор мешавад.