Ҳамлагари “Ливерпул” ва мунтахаби Миср Муҳаммад Салоҳ дар ҳайати тими миллии худ дар бозии даври интихобии Ҷоми миллатҳои Африқо бо тими миллии Комороc (4-0) ба майдон баромад. Ҳамлагари 28-сола дар ин бозӣ дублро ба самар расонид.  Ба иттилои Goal.com ин 43-юмин голи Муҳаммад дар тими миллӣ маҳсуб мешавад. Мувофиқи ин нишондиҳанда, бозигари  “Ливерпул” аз Ҳасан Эл-Шазлӣ (42) пеш гузашта, ҷои дуюмро гирифт. Беҳтарин нишонзани мунтахаби Миср бо 68 гол Ҳусам Ҳасан маҳсуб мешавад. Аз соли 2011 Салоҳ ба тими миллии Миср даъват мешавад.