Нимҳимоятгари тими миллии Тоҷикистон Ҷаҳонгир Эргашеви 26-сола фаъолияти варзишии худро дар бошгоҳи футболи "Қизилқум" -и Ӯзбекистон идома медиҳад. Ин тими футбол дар Суперлигаи Ӯзбекистон баромад мекунад.
Ҷаҳонгир Эргашев бо клуби “Қизилқум” то охири мавсим шартнома бастааст. Клуби охирини Эргашев дастаи “Хуҷанд” буд, ки ӯ бо ин даста медали нуқраи чемпионати Тоҷикистонро дар мавсими гузашта ба даст овард. Дар мавсими гузашта «Қизилқум» дар Суперлигаи Ӯзбекистон ҷои ёздаҳумро ишғол карда буд.