Аз рӯи натиҷаи бозии охирини марҳилаи 1/8 финалии Лигаи чемпионҳо довталабон барои унвони беҳтарин бозигари ҳафта муайян шуданд. Саҳифаи расмии УЕФА исми номзадҳоро нашр кардааст. Ҳамин тавр, дар байни довталабон ҳамлагари “Челси” - Оливйе Жиру низ дида мешавад, ки голи задааш “Челси”-ро дар сафар бар “Атлетико” (1:0) пирӯз гардонид. Ҳамлагари “Бавария” - Роберт Левандовский, ки ба дарвозаи “Латсио” гол зад(4:1). Инчунин ҳимоятгарон Ферлан Менди аз “Реал Мадрид” ва Жоао Кансело аз “Манчестер Сити” ба ин ҳайат шомил шудаанд. Ёдовар мешавем, ки ҳафтаи гузашта унвони беҳтарин бозигарро ҳамлагари «Пари-Сен Жермен» - Килиан Мбаппе, ки ба дарвозаи “Барселона” хет-трик намуда буд, ба даст овард.