28 июн миёни дастаҳои варзишии муассисаҳои таҳсилоти миёнаи умумии ноҳияи Исмоили Сомонии шаҳри Душанбе мусобиқаи хӯрди футбол доир гардид. Ин мусобиқаро бахши кор бо ҷавонон ва варзиши ин ноҳия бахшида ба Рӯзи Ваҳдати миллӣ роҳандозӣ карда, мақсад аз ин оммавӣ гардонидани ин навъи варзиш миёни хонандагони синни мактабӣ мебошад. Тавре аз бахши кор бо ҷавонон ва варзиши ноҳияи Исмоили Сомонӣ иттилоъ доданд, дар ин мусобиқа 8 дастаи варзишгарони муассисаҳои таҳсилоти миёнаи умумии ҳудуди ноҳия иштироки фаъол карда, се даста бо балҳо ва натиҷаҳои назаррас соҳиби ҷойҳои якум, дуввуму сеюм ва туҳфаҳои таъсисдодаи дастандаркорони мусобиқа гардиданд.