Рӯзноманигори машҳури итолиёвӣ Ҷанлука Ди Мартсио дар сомонаи расмии худ навиштааст, ки роҳбарияти дастаи “Боруссияи Дортмунд” ҷойгузини Люсйен Фаврро пайдо кард. Тибқи иттилои ӯ дортмундиҳо бо сармураббии дастаи “Борусияи Мёнхэнгладбах” Марко Розе ба мувофиқа расиданд. Ин мутахассиси 44 сола тобистони соли 2021 вазифаи сармурабии “Боруссияи Дортмунд”-ро ба уҳда хоҳад гирифт.Ёдовар мешавем, ки “Боруссияи Дортмунд” таҳти роҳбарии Фавр дар даври 11-уми Бундеслига аз тими “Штутгарт” бо ҳисоби 1 бар 5 шикаст хурд. Баъди ин ҳодиса Фаврро аз мақомаш барканор карданд. Айни замон бошад, ёвари Люсйен Фавр- Эдин Терзич иҷрокунандаи вазифаи сармураббии бошгоҳ таъйин шудааст.