Дастаи мунтахаби Тоҷикистон дар бозии рафиқона аз тими миллии Баҳрайн шикаст хӯрд. Бозӣ миёни ин ду мунтахаб дар шаҳри Дубайи Амороти Муттаҳидаи Араб сурат гирифт ва бо ҳисоби 1:0 ҷамъбаст шуд. Голи ягонаи ин дидорро Муҳаммад Саад дар дақиқаи 44-уми бозӣ ба ҳадаф расонд. 
Миллипӯшони тоҷик бори 5-ум бар муқобили футболбозони баҳрайнӣ дидор анҷом доданд. Футболбозони мо 2 мусовӣ ва 3 бохтро ба қайд гирифтаанд.
Шогирдони Усмон Тошевро рӯзи 12-уми ноябр бозии дигари рафиқона интизор аст. Онҳо бар муқобили мунтахаби Амороти Муттаҳидаи Араб дидор анҷом медиҳанд.