Дастаи мунтахаби миллии футболи Тоҷикистон дар доираи омодагӣ ба бозиҳои марҳилаи дувуми мусобиқаи интихобии қаҳрамонии ҷаҳон-2022 дар гурӯҳи «F» моҳи ноябр дар сафар ду бозии санҷишӣ анҷом медиҳад. Ба иттилои дафтари матбуоти Федератсияи футболи Тоҷикистон, мунтахаби кишвар 7-уми ноябр бо мунтахаби Баҳрайн ва 12-уми ноябр бо мунтахаби Аморати Муттаҳидаи Араб бозиҳои дӯстона баргузор мекунад. Ҳарду бозии дӯстона дар Дубай доир мегардад. Гуфта мешавад, ки дастаи мунтахаби миллии Тоҷикистон бо раҳбарии сармураббӣ Усмон Тошев омодагиро ба бозиҳои дӯстона бо тимҳои миллии Баҳрайн ва АМА охири моҳи октябр шуруъ хоҳад кард.