Ниммуҳофизатгари бошгоҳи "Бавария"-и Олмон, Тияго Алкантара ба дастаи "Ливерпул"-и Англия пайваст. Дар ин бора сомонаи дастаи "Ливерпул" расман иттилоъ дод. Хабар дода мешавад, ки маблағи гузариши футболбози 29-сола 20 миллион фунт ва 5 миллиони дигар иловапулиро ташкил медиҳад. Шартномаи ҳамкории Тияго бо "Ливерпул" то соли 2024 баста шудааст. Дар мавсими солҳои 2019/20 Тиаго дар ҳайати "Бавария" дар Бундеслига 24 бозӣ гузаронида, 3 гол ба самар расонидааст. Тияго Алкантара дастпарвари бошгоҳи "Барселона" буда, баъд аз ба ҳайати асосии тим шомил нашудан, Каталоняро ба Мюнхен иваз карда буд.