Ниммуҳофизатгари норвегиягӣ Мартин Эдегор ҳайати дастаи "Реал Сосйедад"-ро тарк намуд ва дубора ба дастаи асосии худ "Реал" баргашт. Дар ин бора сомонаи расмии тими футболи Сан-Себастйян иттилоъ додааст.
Эдегор мавсими солҳои 2019/20 дар "Реал Сосйедад" бозигари иҷоравӣ буд. Дар ҳисоби футболбози 21 сола 36 бозӣ ва 7 гол ба қайд гирифта шудааст.
Қаблан гуфта мешуд, ки Мартин Эдегор барои як мавсими дигар дар дастаи "Реал Сосйедад" боқӣ мемонад, аммо ҷониби мадридиҳо ба хулосае омаданд, ки аз ҳунари ӯ дар мавсими оянда истифода мекунанд.