Сомонаи расмии дастаи “Ливерпул” аз гузариши дифоъгари дастаи «Олимпиакос» - Константинос Симикас расман иттилоъ дод. Қарордоди футболбози 24 сола бо даста дарозмуддат буда, муҳлаташ хабар дода нашудааст. Симикас дар дастаи наваш таҳти шумораи 21 ҳунарнамоӣ хоҳад кард. Маблағи гузариш 13 млн евроро ташкил медиҳад. Константинос Симикас аз соли 2015 инҷониб дар ҳайати "Олимпиакос"   бозӣ мекард. Дар мавсими ҷорӣ 20 вохӯрӣ доир намуда, ба задани 5 гол даст ёфтааст.