“Барселона” мехоҳад нимҳимоятгари “Манчестер Сити” - Бернардо Силваро ба даст орад. Футболбози 26-солаи Португалия яке аз ҳадафҳои асосии клуби Каталония мебошад ва тамоми тадбирҳоро барои амалӣ шудани ин кор анҷом додан мехоҳад. Дар қисмати дуюми мавсим Силва мавеъи худро аз даст дод. Дар мубориза барои ҳайати асосӣ мураббӣ бартариятро ба бозигари ҷавон  Фил Фоден доданд.  Мувофиқи навиштаи The Telegraph, "Барса" барои пардохти пурраи маблағи гузариши Силва танқисӣ мекашад, ба ҳамин хотир дар ин муомилот  ҳимоятгар Нелсон Семедеро ба Сити пешниҳод кардааст.