Дар доираи бозиҳои даври 35-уми Чемпионати Испания дастаи “Реал Мадрид” тими “Алавес”-ро пазируфт. Ҳисоби дидор дар дақиқаи 11-ум кушода шуд. Карим Бензема зарбаи ҷаримавии 11 метраро бидуни иштибоҳ иҷро кард. Дар дақиқаҳои аввалини нимаи дуюми бозӣ Марко Асенсио бартарии дастаашро дучанд намуд. Бо ҳисоби 2 бар 0 ин майдондорӣ ба суди “Реал Мадрид” поён ёфт.
Дар бозии дигари ҳамин дар дастаҳои “Реал Сосйедад” ва “Гранада” бо ҳам неруозмоӣ карданд. Дар дақиқаи 21-ум голи якумро нимҳимоятгари “Гранада” - Антонио Пуэртас ба самар расонид. Ду дақиқа монда то анҷоми қисмати якуми вохӯрӣ ҳамлагар Роберто Солдадо афзалияти меҳмононро дуболо сохт. Дар дақиқаи 47-ум Микел Мерино ба як голи ҳарифон ҷавоб гуфт. Дар дақиқаи 83-юм бошад, ҳамлагари “Реал Сосйедад” - Микел Оярсабал таносубро барқарор сохт. Бо гузашти 5 дақиқаи дигар ҳимоятгар Домингуш Дуарте боз меҳмононр ба пеш баровад. Ҳамин тарв ин дидор бо ҳисоби 3 бар 2 бар нафъи тими “Гранада” ба анҷом раисд.