Дар бозии даври 30-юми Чемпионати Испания «Реал Сосйедад» дар майдони худ аз бошгоҳи «Реал» шикаст хӯрд. Бозӣ дар майдони «Аноэта» дар Сан-Себастяне баргузор шуда, бо ҳисоби 2:1 ба анҷом расид.
Ҳисобро дар дақиқаи 50-уми дидор муҳофизатгари «Реал» - Серхио Рамос тавассути иҷрои зарбаи ҷаримавии 11 метра боз кард. Дар дақиқаи 70-уми рақобат Карим Бензема голи дуюми мадридиҳоро ба самар расонид. Аз ҳайати «Реал Сосйедад» Микел Мерино дар дақиқаи 83-юми бозӣ ба як голи сардодаашон посух гардонид.
«Реал» баъди 30 бозӣ 65 хол ба даст оварда, аз «Барселона» пеш гузашт ва ба зинаи аввал баромад.