Баъд аз таваққуфи маҷбурӣ аз сабаби хурӯҷи коронавирус -  COVID-19 чемпионати Булғористон низ дубора оғоз шуд.  Дастаи «Локомотив», ки дар ҳайати он ниммуҳофизатгари мунтахаби Тоҷикистон - Парвизҷон Умарбоев баромад мекунад, дар даври 25-ум бо тими «Этйр» рақобат намуд. Футболбози тоҷик дар ҳайати асосӣ ба майдон баромада, дар дақиқаи 85-уми дидор иваз карда шуд. Дар ин дидор дастаи Парвизҷон  бо ҳисоби 2 бар 0 ғалаба кард.  Баъд аз ин ғалаба “Локомотив Пловдив” 49 имтиёз ба даст оварда, дар зинаи дуюми Чемпионати Булғористон қарор дорад. Дастаи “Лудогоретс” садрнишини ҷадвали умумӣ маҳсуб мешавад.