Ҳамлагари 29 солаи итолиёвӣ - Марио Балотелли қарордоди худро бо тими футболи «Брешиа» лағв кард. Дар ин бора сомонаи Goal навиштааст.
Президенти клуби «Брешиа» - Массимо Челлино ба хулосае омад, ки қарордодро бо форварди мазкур бекор кунад, зеро Марио Балотелли пайваста дар тамринҳои клуб ширкат намекард. Балотелли тобистони соли гузашта ба «Брешиа» омад. Он замон ӯ футболбози озод буд. Бо клуби итолиёвӣ то соли 2022 бо арзиши 1 млн € қарордод ба имзо расонида буд. Форвард дар 19 дидори Серияи А ба задани 5 гол даст ёфтааст.