Дастаи "Истаравшан" тавонист дар даври ниманиҳоии бозиҳои Ҷоми Лигаи футболи Тоҷикистон пас аз ғалаба бар дастаи "Куктош" ба бозии ниҳоӣ роҳхат бигирад. Вақти асосии бозӣ мусовӣ 0:0 ба анҷом расид ва дар задани зарбаҳои ҷаримавӣ футболбозони тими "Истаравшан бо ҳисоби "5:4 пирӯз шуданд.
Дар вохӯрии дигари ин давр низ ғолиб пас аз задани зарбаҳои ҷаримавӣ муайян гардид. Футболбозони дастаи "КМВА" тавонистанд бо ҳисоби 5:2 бар дастаи "Душанбе-83" ғолиб шаванд, вақти асосӣ 1:1 ба охир расид.
Ҳамин тавр рӯзи 18-уми март дастаҳои "Истаравшан" - "КМВА" барои Ҷом ва "Куктош" - "Душанбе-83" барои мақоми сеюм мубориза мебаранд.