«Манчестер Сити» дар бозии ҷавобии даври нимниҳоии Ҷоми лигаи Англия аз «Манчестер Юнайтед» шикаст хӯрд. Вохӯрӣ дар варзишгоҳи «Иттиҳод» сурат гирифта, бо ҳисоби 0 бар 1 ба суди девҳои сурх хатм шуд. Муаллифи ягона голи ин рақобат ниммуҳофизатгари меҳмонон - Неманя Матич гардид. Дар қисми дуюми рақобат Матич корти сурх гирифту майдонбадар шуд.  Шогирдони Пеп Гвардиола дар дидори аввал бо ҳисоби 1 бар 3 ғалаба намуда буданд. Аз рӯи натиҷаи ду бозӣ «Манчестер Сити»  ба финал роҳ ёфт. Дар бозии ниҳоии Ҷоми лигаи Англия «Манчестер Сити» бо «Астон Вилла» рақобат хоҳад кард.