Дастаи футболи «Барселона» дере нагузашта, ҷойгузини Эрнесто Валвердеро пайдо намуд. Сармураббии ҷадиди ин бошгоҳи маъруф, коршиноси 61 сола Кике Сетйен гардид. Дар ин бора сомонаи расмии клуби мазкур иттилоъ додааст. Қарордоди ҳамкорӣ бо мутахассиси испанӣ то 30-юми июни соли 2022 баста шудааст. Маросими расмии муъарифии сармураббии нави дастаи «Барселона» имрӯз сурат мегирад.