Дафтари матбуотии клуби «Тоттенхэм Хотспур» иттилоъ додааст, ки ҳамлагари асосии даста - Гарри Кейнро мушаки пушти рони пойи чапаш кафидааст ва  футболбоз муҳлати дароз ба табобат машғул хоҳад шуд. Кейн дар рақобат бар муқобили тими «Саутгемптон» лат бардошт ва дар дақиқаи 75-уми дидор майдонро тарк намуд. Ҳамлагари 26 сола дар мавсими равон дар 20 бозӣ ба задани 11 гол даст ёфтааст. Инчунин дар Лигаи Чемпионҳо 5 гол дорад. Аз саф уфтодани футболбози мунтахаби Англия барои сармураббии бошгоҳи лондонӣ Жозе Моуриню мушкилии ҷиддӣ унвон мешавад.