Бошгоҳи футболи “Ювентус”-и Турин барои ба иҷора гирифтани ҳамлагари нав розӣ шуд. Интизор меравад, ки ҳамлагари “Нюкасл Юнайтед” Ник Волтемаде ба тими итолиёвӣ ҳамроҳ шавад. Рӯзноманигор Флориан Плеттенберг дар шабакаҳои иҷтимоии худ хабар медиҳад, ки ҷонибҳо дар бораи ин созишнома пурра ба мувофиқа расидаанд.
Гуфта мешавад, ки Волтемаде ба “Ювентус” ҳамроҳ мешавад. Футболбози 24-солаи олмонӣ имрӯз ба шаҳри Турин парвоз мекунад, ки дар он ҷо аз муоинаи тиббӣ мегузарад ва бо дастаи нави худ шартнома мебандад. Ин созишнома тариқи иҷора ва бидуни имкони харидорӣ амалӣ карда мешавад.
Мавсими гузашта Волтемаде дар сафи "зоғон" 51 бозӣ анҷом дода, 11 гол ва панҷ голӣ ба омор гирифтааст. Сомонаи Transfermarkt арзиши Волтемадеро 55 миллион евро арзёбӣ мекунад.