Муттахассиси португалӣ Жозе Моуринйо аллакай бо ҳимоятгари “Интер” Алессандро Бастони дар бораи шартҳои эҳтимолии гузариш ба “Реал Мадрид” ба мувофиқа расидааст. Дар ин бора Defensa Central бо такя ба маълумоти  рӯзноманигор Мигел Серрано хабар додааст.
Ба гуфтаи манбаъ мураббӣ, ки дар тобистон дар бошгоҳи шаҳри Мадрид сармураббӣ мешавад, шахсан бо бозигари итолиёвӣ сӯҳбат карда, интиқоли эҳтимолиро баррасӣ кардааст. Гуфта мешавад, ки Бастони ба ин гузариш розӣ шудааст.
Ҳимоятгари марказии итолиёвӣ ҳадафи афзалиятноки Моуринйо барои тақвияти хати дифоъи “Лос Бланкос” ҳисобида мешавад. Мураббии португалӣ мехоҳад Бастониро пешвои нави хати дифоъи даста таъин кунад ва умедвор аст, ки ин созишномаро ҳарчи зудтар ба анҷом расонад, зеро тими миллии Италия дар Ҷоми ҷаҳон-2026 бозӣ нахоҳад кард.
Аммо “Реал Мадрид” то интихоботи президентии бошгоҳ ягон трансфер анҷом доданӣ нест.
Қаблан хабар дода шуда буд, ки Бастони бо “Барселона” дар бораи гузариш тамос гирифтааст. Шартномаи кунунии ҳимоятгар бо “Интер” то тобистони соли 2028 мӯҳлат дорад.
Ин мавсим Алессандро дар дастаи шаҳри Милан 40 бозӣ анҷом дода, ду гол ва шаш партофти голӣ ба омор гирифтааст.