Бозии аввали даври ҳаштякниҳоии Лигаи чемпионҳо миёни дастаҳои “Нюкасл Юнайтед” ва “Барселона” баргузор гардид. Ин дидор дар варзишгоҳи “Сент‑Ҷеймс Парк”-и шаҳри Нюкасл-апон-Тайн доир шуда, бо ҳисоби мусовии 1 бар 1 хотима ёфт. Довари асосии бозӣ Марко Гуида аз Италия буд.

Дар қисми асосии бозӣ ҳар ду даста имкониятҳои голзанӣ доштанд, аммо ҳисоб танҳо дар дақиқаҳои охири бозӣ боз шуд. Дар дақиқаи 86-ум ҳамлагари “Нюкасл” Харви Барнс дарвозаи меҳмононро рахна карда, мизбононро ба пеш баровард.

Футболбозони “Барселона” дар лаҳзаҳои охир тавонистанд натиҷаро баробар кунанд. Дар дақиқаи 90+6 вингери даста Ламин Ямал зарбаи 11-метраро бомуваффақият иҷро карда, ҳисобро 1:1 гардонд.

Бозии ҷавобии ин ду даста рӯзи 18 март баргузор мешавад. Дидор дар варзишгоҳи “Камп Ноу”-и шаҳри Барселона доир мегардад.
Ёдовар мешавем, ки дар марҳилаи плей-офф “Нюкасл Юнайтед” аз рӯи ҳисоби умумии ду бозӣ “Қарабоғ”-ро бо натиҷаи 9:3 мағлуб карда буд. “Барселона” дар марҳилаи умумии мусобиқа 16 имтиёз ба даст оварда, мақоми панҷумро ишғол намуд.